انت مكسوف؟ لاااا انسى الكسوف ..
انت مكسوف؟
لا انسى الكسوف
?
?
بتقابلنا فى حياتنا مواقف كتيرة وفعلا بنكون فيها فى منتهى الكسوف

عندك مثلا لو حد سالف منك فلوس وكان مواعدك يردها خلال فترة معينة واداها طناش بعد كده
بيشوفك ويكلمك ولا هو هنا
طبعا نفسك تفاتحه وتطلب الدين منه بس مكسوف
سبحان الله هو المفروض يتكسف بس دا اللى غالبا بيحصل
?
لو حد جالك فجأة من غير موعد وخبط عليك
وانت ظروفك مش مناسبة لأستقباله لأى سبب شخصى
هل بتقدر تقوله معلش فوت عليا وقت تانى اصلى عندى ظروف؟
ولا انت هتكون مكسوف ؟
?
?
?
لو رن تليفونك ورديت وانت مش متوقع انه هيطول عشان عندك ميعاد او هتعمل حاجة خاصة بيك
واخينا او اختنا استلم ودانك وهات يارغى لحد ما نشد فى شعرنا
هل هتقدر تقوله والله اخلص اصلى ورايا ميعاد او اى حاجة؟
ولا انت هتكون مكسوف ؟
?
?
بصراحة كتير بيتحرجوا من مواقف زى دى
وكتير برضه البجحين
بتعملوا ايه معاهم لو صادفتوهم ؟