بلاقيكي
*******
بلاقيكي
في كل حاجه قدامي
في ايامي
في احلامي
باحسك جنبي وانا تايه
والاقيكي
معايا حتي ف منامي
بلاقيكي
ف ضحكة طفله
اموره
ف مشية بنت
سنيوره
ف كل قصيده باكتبها
ف ضحكه مزينه
الصوره
بلاقيكي
ف ورده لسه بتفتح
وشفتك
زي نور الفجر
بيصبح
وباتمني .. تناديني
وباترجي
للمسة ايد
تخليني
ادوب واسرح
والاقيكي
وشوفتك
تهت ف عيونك
لقتني
جريت علي حضنك
يقولوا عليه مجنونك
يقولوا ان انا ابنك
يقولوا
زي مايقولوا
انا عاشقك
بادوب فيكي
