نفسي اهرب
نفسي اخرج .. بره نفسي
نفسي اتوه .. عن سكتي
مره تهت
لقتني بضحك
افتكرت الضحكه هي دنيتي
فجأه فوقت
لقتني تايه
عن طريقي وسكتي
لقتني باغرق .. جوا توهتي
كأني عايش دنيتي
حتي دي طلعت خيال
حتي دي مش ضحكتي
نفسي اعرف
نفسي اى
نفسى اى
نفسي ابعد مره عني
نفسي مره بعيني اشوفني
اني اجرب اعيش حياه
حد غيري عاشها زيي
عاوز اجرب
اني اهرب
اني اعيش كأني طيف
اني اعيش كأني ميت
عاوز الف الدنيا لكن
لما اكون شبح مخيف
كنت بارسم
كنت فاكر اني بارسم
بس انا طلعت لوحه
بيترسم دايما عليه
كنت باحسب اني باصرخ
اتاريني مقطوع اللسان
عشت عمري كله باشرح
طلعت مش بافهم كمان
والاكاده
ودي الافاده
اني عشت وكنت فاكر
اني عايش
ابقي زيك ... ولا لاء
يمكن اكتر.. عارفه ليه
انا نفسي اكون مفيش
طب قوليلي
حد زيي
نفسه انه يكون مفيش
لاء.....
مفيش .....
رضا أبوحسين
