امل الشاعر/ رضا أبوحسين

امل

عيونك بحر حنيه
وفيها مركبي غرقان
وشعرك ليل ف اغنيه
وقدك مطلع الموال
حروف اسمك امل ليا
عشانه اتحمل الاهوال
امل.. دانتي الامل حبك

ألف.. اول حروف اسمك
واول حب ف حكايتي
امل دانتي الامل حبك 
ولو ف الحب ده نهايتي
امان العمر ..... واباكي
ملامحه بشوفها ف مرايتي
امل دانتي الامل حبك

وميم .. دا حرفك التاني
معاه انسي قسي الايام
موسيقي الدنيا تسمعها
بتتلون غرام ف غرام
حروفك قبله قدامي
معايا حتي ف الاحلام
امل دانتي الامل حبك

اللام .. ده كان اخر اسمك
لولاه ماكنت انا موجود
لو طيفك زارني ف منامي
سعادتي ماتبقى ليها حدود
وانا معاكي.... لياليه
ليله فرحه.... وليله ورود 
امل دانتي الامل حبك
ولو ف الحب ده نهايتي

رضا أبوحسين