جارى التحميل
استخدم زر ESC أو رجوع للعودة
ياصمت اليل/بقلمي محمد ظريف
يا صمت اليل ما تتكلم
حرام تسبني وحداني
اسأل روحي و اتألم
نجومك ليه مخصماني
وليه قريب بعيد عني
وليه تجرحني عمياني
تعالي نصفي لو مره
ونفتح صفحه من تاني
واشرب كاسك المره
و تاخد نص احزاني
ونضحك ضحكه من بره
نخلي فراقنا جواني
وانا
عن نفسي هاضمنلك
طول ما ايديا ملكاني
هانسي
نفسي و اسمعلك
ف وقت الشده تلقاني
وعايزك بس من فضلك
تبطل تبقي يوم جاني
تخدني بس للجنه
وبعد الجنه انساني
ياصمت اليل ما تتكلم
حرام تسبني وحداني
المصدر: الشاعر/ محمد ظريف....نشربواسطة/ علاء زايد
