(( أسماء )) *** للشاعر/ رضا أبوحسين

أسماء
كل حرف من حروف
اسمك يانور عيني يا اسما
ياحبيبتي له ف خيالي
الف معني والف رسمه
كل حروف اسماء دي حياتي
ليها جوايا مليون قصه
مكتوبالي فوق جبيني
زي عمري نصيب وقسمه

كل حرف من حروفك له معايا
كل ليله و كل يوم مليون حكايه

الألف .. أغلي الاماني
وكل املي ونور عيوني
حرف سين. سلسبيلي
منه اروي عطش سنيني
ميم حروفك.
مني هي وانا منها
ومنها ليها كان حنيني
والألف التانيه منك
لو نسيتها يزيد انيني
والهمزه اخر حروفك
مكتوبالي فوق جبيني

كل حرف من حروفك له معايا
كل ليله وكل يوم مليون حكايه

البدايه والميلاد
من حروفك كان الف
والصراخ والسكات.
لما سينك جنب راءي تأتلف
والحياه والممات
حرف ميمك جوه ضادي ينجرف
والثواب والعقاب
حرف منك حرف مني كان الف
الهمزه لولاها ف حروفك
نار عذابي ماتتوصف

كل حرف من حروفك له معايا
كل ليله وكل يوم مليون حكايه

رضا أبوحسين