بحبك شافعى و مالكى و ابو حنيفة
.................................................
بحبك شافعى و مالكى و ابو حنيفه
بحبك على كتاب الله و السنة الشريفة
و حبك عليه اجماع
من غير شهوة و لا جماع
و لا كنت فيكى فى يوم طماع
دا انا حبى ليكى كان سماع
فاكرة لما قولتلك بحبك من غير ما اشوفك
ساعتها حسيت بدقات قلبك و خوفك
حسيت بحبى فى أعماق أعماق جوفك
حسيت بتعبك و مرضك من غير ما اشوفك
و قولتيلى ازاى تحبنى من غير ما تشوفنى
قولتلك ان كات روحى بتبوسك و روحك بتبوسنى
و جسمك عايش جوه فى جسمى
و اسمك شايفه مكتوب جنب اسمى
ساعتها ضحكتى و قولتيلى أه يا حسنى
زعلت منك و قولتلك مين حسنى
ضحكتى تانى و قولتيلى قصدى اقول أه يا حستى
ضحكت أنا معاكى و قولتلك مين حستى
يا ناس الحب أرواح
من غير شكوى و لا جراح
كل الناس هترتاح
ان عرفت ان الحب أرواح
من قبل ما يكون طبل و زمر و أفراح
و أكل و شرب و ليالى ملاح
و مفيش روح بيتشارك فيها اتنين
ليه الشباب بيتعارك و ينسى الروح و يركز على العين
أه يا ليل اه يا عين و محدش قال للروح فين
و اللى تحبك بروحها أفضل بكتير من ألفين
..........................................................................
