صدقيني ...... بقلم الشاعر المبدع // علاء الجمالي

صدقيني 

عمري محسيت بالراحة
الا وانا معاكي 
كنتي تاخديني 
من تل او من واحة 
وتحميني 
احس الدنيا مالكها 
وشئ طالع من طيني 
يطرح سنابل وفا
يسكن شراييني 
وكنتي تخافي عليا 
وتمسحي دموع عينيا 
لجل ترضيني 
ولما كبرتيني 
وشفتي الزهور ف عينية 
جوزتيني 
جوزتيني ليه 
للحزن سلمتيني 
يا اجمل ام في الدنيا 
علمتي للناس الحب 
وكمان علمتيني 
مشفتش الراحة من بعدك 
ولسة علي وعدك 
رغم الشيبة ال ف وشي 
ورغم سنك السبعيني 
بتخدميني 
وتشيلي الهم عني 
وتروحيني 
رغم شوفك احزاني 
وكلام مقالوش لساني 
وترضيني 
تضحك ليا الدنيا 
اسايرها 
وترجع تاني تأذيني 
اتأخر عليكي شوية 
القاكي تستنيني 
يا اطيب ام ف الدنيا 
ياللي علمتيني الكرم
الكرم يكفيني
ياللي علمتيني اسامح 
سامحيني