بنظره واحده مش نظرات
صابني الهوي من اموره عسلات
اصل اللي كان بينا شوية امارات
اشاور لها وهيه تفهم الاشارات
تغمز بعينها وانا اتوه في الغمزات
خايف ابوها يشوفنا ويعرف الحكايات
ماهي خالتي امها واسمها جملات
عرفت ما بينا وقالت شوية كلمات
معناها اعلن حبنا ونعلي الجوبات
ابويا عارض وقالي خد بنت عمك شربات
تاخدها وكمان ورثها يذود المنابات
يا خال ابويا معارض والحل مش اختيارات
الحب دايم بينا ولا يعرف المقامات
احلام يابويا معانا وادبها له علامات
ابويا وافق وقالي راح نعمل العزومات
والكل يجي ويفرح ويبارك الفرحات
مبروك علينا ياللي شغلاني بالبسمات
من بكره حاتكوني عروستي ونزود الهمسات
الشاعر / سامي عباس.
