#منين_هاتفوت
ياللى ع القرش تموت
وعشانه تهد بيوت
ايه ..ناسى ان الموت
راح يجى من غير صوت؟!!!
قطر وله الف محطه
ماشى لسكته ع الخطه
واللى محضرش الشنطه
ازاى ساعتها يفوت؟
اول ما القطر..... يصفر
مافى حد عليه راح يقدر
لو ربك وحده ..هايؤمر
وﻻ ثانيه راح نتأخر
شوف ورقك حضر حالك
كلمه وخليها ف بالك
فاكر العمر هايبقالك؟
داكلنا اخرتنا تابوت
العمر عليك .... بيمر
والباقى يمكن... شهر
او ساعه وﻻ يومين
باقيين فيها باﻻمر
دا قطر وجاى بمعاد
وﻻ لحظه راح تنعاد
ومهما نكون ف عناد
مين راح يقدر ع الموت؟
طب ليه فيها ماسكين
فاكرين اننا خالدين
دا احنا كلنا ماشيين
مين فينا هايسبق مين؟
لو ربك مرة أتأنى
وعليك قطرك يستنى
لومهما هاتبنى يابنا
هايجيلك يوم وتموت
تعالى وقولى ياشاطر
راح تعمل ايه ف اﻻخر؟
راح تفضل برضوا تكابر..
وﻵ هاتفوق ع اﻻخر؟
ولما تحوش مﻻيين!!!
قولى هاتسيبها لمين؟
هوه كفنك بجيبين؟!!
و ازاى بيها هاتفوت؟
