سمع ضحكتي

كان معدي مره من جنب البيت وسمع ضحكتي...

صعب عليه يعدي ويسمع فرحتي...

وكنت بضحك في نفسي لايسمع همستي...

لقيته طرق الباب رحت افتح واداري دمعتي...

قالي سمعت شئ غريب مع اني كنت في غرفتي...

قالي سمعت ضحكه وليه سعيد وبتنسي صحبتي...

قولتله مش ناسيك انا بضحك وكأني تايه في غربتي...

قولتله خلاص ياحزن سامحني مش هاتسمع تاني ضحكتي...

قالي انا باقي عليك اوعي تنسي تاني عشرتي...

قولتله انت حبيبي وماليش غيرك في دنيتي ...

ومن ساعتها بقيت اخاف اضحك حتي في نيتي...

ليسمعني الحزن ويزعل واخسر صحبتي...