( الحب اللى كان و اللى ما كانشى )**للشاعر/ محمد أبو المعاطى

الحب اللى كان و اللى ما كانشى
......................................
الحب اللى كان و اللى ما كانشى
اللى كان جعان و ما اكلشى
اللى كان فى حضنى و ما نامشى
اللى كان ساندنى عشان امشى
اللى كان حاببنى و ما ناكرشى
أهو حب و كان و ما كانشى
ضيعته عيونى و رمشى
و يوم ما رجعتله قال قوم امشى
خلاص قفلنا الدكان
و اللى كان كان و ما يحكمشى
و كلامى معاه ما كلشى
عنابى يا عنابى يا خدود الحليوه
يرضيكو الحليوه يسيبنى
للنار اللى بتعذبنى
ايه قصده الحليوه قصده يحاسبنى
و مشيت و دمعتى على خدى
بعد ما كنت بقول يا أرض اتهدى
ما عليك قدى
مشيت و دمعتى على خدى
و من يومها و أنا عايش على قدى
و عرفت ان فى رب فوق
بيحاسب العباد عشان تفوق
و هو وحده اللى بيسامح
مهما أخطئت و كنت جارح
هو وحده اللى بيسامح
و حبيبى عايش ف ندم
عايش عيشه عدم
و بيقول يا ريتنى سامحتك
و لا كنت فى يوم جرحتك
يا ريتنى سيبتك براحتك
و لا كنت فى يوم جرحتك
اللى بيحاسب العباد ربنا
أهم حاجة نحافظ على حبنا
............................................
محمد أبو المعاطى محمد