من حقك
============ بقلم عونى هشام
من حقك تفرح قوم بينا
ع الموعد قلنا ووفينا
رسمنا وحفرنا قنال
ولبر الخير قوم عدينا
------------------------
قناه هتغنى بمراكبها
والميه هترفص براكبها
نفرح ونقول الخير جانا
بالخطوة راسمها مركبها
----------------------------
دى بلدنا بتكبر مراتبها
ومراتب بلدى جبل عالى
يا حبيبنا يا سيسى عليك قلنا
بنحبك وانت علينا غالى
---------------------------
الغالى يرخص لبلادى
هنعمر ونزيد فى الوادى
الدفه بايدك وهنمشى
وهشاور باسمك وانادى
------------------------
دا حبيبنا وشارب م النيل
ده مصرى والمصرى اصيل
بنحبك والقلب يريدك
ونغنى باسمك مواويل
-------------------------
من حقك تفرح قوم بينا
=============
\\\\ عونى هشام\\\\
المصدر: بقلم الشاعر/عونى هشام
نشرت فى 3 أغسطس 2015
بواسطة nssmaelshwara
