( خلاص مشيت ) ... للشاعرة/ سالى نادر

انت خلاص
مشيت خلاص
وسبتني
طب مين غيرك
يا حبيبي في بعدك
هيحسني
ده انت يا حبيبي
وحدك جنتي
يرضيك كدة
اعيش في النار
ليه سبتني
و انساك ازاي
و ابعد بعيد
في الدنيا دي
ده أنا كنت اتوه
و أغرق اكيد
في بحور ظلام
و الاخر اموت
كدة من سكات
معقولة تزعل
من حبيبك
اللي في الدنيا
دي نصيبك
لحد امتى
هتفضل بعيد
ده انا لو عليا
ما افارقش حضنك
اسفة اني خيبت ظنك
ندمانة وربي اللي يعلم
سامحني بقى
يا حبيبي و افهم
ومتبقاش عنيد
أنا اسفة طيب
ده انت طيب
دي آخر مرة
احلفلك طيب
ده انا حبيبتك
قلبك و روحك
بس انت قرب
أطيب جروحك
بص في عنيّا
يا غالي عليّا
بحبك والله
وفيك أنا دايبة
صالحني يلّا
و انسى اللي فات
ومن جديد
نبدأ ونعيد
و نعيش حياتنا
و بعهد جديد
بس انت يلّا
بص في عنيّا
أنا عاشقة والله
سامحني يلّا
بحبك و الله

سالي نادر ...