( بتنسى مواعيدى ) ... للشاعر/ أشرف محمد

واتاريكى بقيتى بتنسى مواعيدى
ولابيهمك الدمعه ولا بيهم تنهيدى
وصوت الجرح يندهلك عشان ترمى شباك عطفك بتنسى الجرح وتزيدى
وكام مره بقول هانسى لكن حاسك فى وريدى
بقول مهما جرى منك اناراضى
وشيء مكتوب لاهو بخاطري ولابايدى
وكنااتنين سوادايما على الأيام
ابات واصحى اقول أحلام
وكنتى ف كل أركانى
يمين وشمال
وكنتى الدنيا والأيام
لاكان بينا هنخسركام ونكسب كام
وف الآخر لقيت أوهام
وانا جانبك بقول عاشق
واناف الغربه بندهلك وأقولك قلبى انامشتاق
انا المشتاق ياحدوته لصوت الناى
وصوت الساقية والتوته
وتبقى القله محطوطه
وساعة العصر نشرب شاى
وحتى سنابل الغله
تشب تبص لعيونا
وتتعلم تحب اذاى
اسيب الدنياواتشعبط على ضفيرتك
وكنت أحب أجيب سيرتك
والملم م الليالى نجوم
واغزلك بشوقى وعشقى تربيعه
تقيد النور على جبينك
بهد السور بينى وبينك
ولما تعبت م الغربه والاستنظار
ومديت الايدين ليكى لقيت حبل الضفايرطار
ومالقيتشى اللى كانوا صغار
ومفضلشى من القصه غيرالدخان وريحة نار.
مع تحياتى/أشرف محمد