حياتى و انا المسؤله عليها
على كيفى هاقدر امشيها
خليك انت بس ف نفسك
قبل حسابى شوف افعالك
خليك انت بس ف حالك
الدنيا فيها انت وغيرك
وﻻ واقفه عليك وﻻ على غيرك
وهافضل انا بيك او من غيرك
لو راح تمشى انا دعيالك
خليك انت بس ف حالك
بتقولى يصح وميصحش
وبتيجى لعندك وتطنش
فاكرنى راح اسكت..... ماأظنش
من دلوقتى مش سكتالك
خليك انت بس ف حالك
خليك انت راجل عتره
تشخط وتزعق بالفطره
ولو تضرب واحد غلبان
هايقولوا دا امك دعيالك
خليك انت بس ف حالك
لو بس الكل يشوف نفسه
ويشوف ال بيعمله ويﻻحظه
وسمع لكلامك....كده حسه
وارحمنا من سم لسانك
ماتخليك بئى بس ف حالك
