(( فاضل كتير ))
كلمات / محمد السعيد
*********************
فاضل كتير ولا إيه
بقالي ياما انا مستنيك
خوفي ميعادنا تكون ناسيه
بجد هيبقى عيب عليك
كل شويه أشوف الساعه
واقول بس إيه اللي حصل
مش عادته يتأخر عليا
ولو فيه حاجه ماكان اتصل
وقلبي يدق بخوف وبلهفه
هموم الدنيا عليا واقفه
روحي ياحبيبي عليك خايفه
اتأخرت بس ليه
اقول يمكن شويه يجيني
واصبر نفسي وقلبي وعيني
ومش قادر بس على حنيني
نفسي لحظه اشوف عينيه
كل شويه اشوف الساعه
واقول بس إيه اللي حصل
مش عادته يتأخر عليا
ولو فيه حاجه ماكان اتصل
