رباعيات الباشا الساخرة للشاعر : محمد ضباشه

رباعيات الباشا الساخرة
للشاعر : محمد ضباشه

تبيعوا وتشتروا فيه
وأنا قرطاس ملان طيبة
ومهما تعملوا ليه
مليش متوى غير الغيبة
يغطينى الليل بخلقاتة
أنام وأصحى على العيبة
تخلى الجرح يألمنى
وأخبى الحسرة فى زكيبة
--
رد السلام بالاشارة
وشكلة شبه الديب
تملى يحكى فى موبايلة
وعاملى وداد حبيب
وجيبة أقرع قوى
ما بيحاسب على المشاريب
يابنى الرجولة أدب
ودايما بالمنظرة هتخيب
--
ضاربة الموبايل فى طرحة
والطرحة فتانة
وحاجات ماشية بتترقص
وتمص فى لبانة
وكام كلمة بتلقطنى
أشوف سكتها عدمانة
وليل نايم ومن بدرى
والحلوة لسه سهرانة
--
أنا حبيتها من جهلى
وكان سنى ساعتها صغير
لا أعرف أدارى أو أخبى
وبجناحها تملى بطير
ونار الكرة جواها
وفى عنيها تراب أمشير
داست على قلبى جواها
وكان قولها تملى بغير