( إفتح دولاب أحزانى ) للشاعر/ علاء الجمالى

افتح دولاب احزاني ورص
هدومي ال محبيتهاش
واياك تبحلق او تبص
ع الملفوف بالشاش
او تلمس توب قديم
من كتر الحزن باش
توب فتي طيب
كان عايز يعيش معاش
رص كل شئ ف دولابي
اما التوب ده
بلاش
بيفكرني بحاجات كتيرة
ايام كان ابويا بسيط
وعيلتي فقيرة
ايام كان الضحكة بتطلع مبتخلص
ولا تتحاش
بيفكرني بكلمة كان
وقلوب الناس
بلعبة لعبتها زمان
وابني ملعبهاش
بيفكرني بزمن الود
احترام الكبير للأب والاب للجد
بصحبتي القديمة ال عمري
منسهاش
بحدود الادب ال علمهاني ابويا
ومعدهاش
افتح افتح دولابي ورص
واي هدوم جديدة
متحطهاش
زمانكم زمن الموت
الاخلاق ببلاش
وضماير هش
ولصوص واوباش
ودمكم جير
وقلوبكم خيوط ملخفنة
وادخنة
والأوردة قماش