** ياااااااااااه **
كلمات الشاعر/ رضا أبو الغيط
********************
لسه جايه بتسألى
كنتى فين من كام سنه
يا اللى ف هواكى تحيرى
ايه فكرك......... بيا انا
هو خلاص الصمت مات
ولا العقارب ف الساعات
اتحركت .....رجعت ورا
******************
كنتى فين لما الدموع
كانت اشد من المطر
كنتى رافضه ليه الرجوع
كنتى ليه قلبك حجر
لسه جايه بتسألى
لسه فاكره تصبرى قلب القمر
*****************
طب قولى لى كنت فين
لو بنظره ورمش عين
ولا ليه كان فات حنانك
قلب متحير حزين
يا اللى جايه بتسألى
ايه فكرك بالمجروحين
****************
جايه طالبه للسماح
ولا ها تعيدى اللى راح
صعب يرجع حب مات
والقلوب شبعت نواحى
يا اللى جايه بتسألى
قلبى مش حمل الجراح
******************
طب حكمى بينا البحور
او حكمى بينا السهر
اشكى شوقك للزهور
واسألى.... كل البشر
يا اللى لسه بتسألى
ذنب قلبك.... لا يغتفر
*****************
اطلبى م الموجه ترسى
يمكن أنسى جرح قلبى
رغم انى صعب أنسى
جرح خلا عيونى تبكى
يا اللى جايه بتسألى
قولى ايه كان بس ذنبى
*****************
