( مدى إيدك سلمى ) للشاعر/ علاء الجمالى

 مدي ايدك سلمي
مدي ايدك
ساكتة ليه اتكلمي
الليلة عيدك
ارقصي افرحي
لا تمثلي حزنك عليا
وتباني ليا
موجوعة بتتالمي
مدي ايدك سلمي
انتي ال اخترتي المال
هديتي عشانه جبال
عيشيه
وبي اتوهمي
ومن نعيمه انعمي
مبروك عليكي السعادة
هتعيشيها زيادة
تأمري تتكبري تتفخمي
بس حاولي تفهمي
كل لحظة حب اديتها ليكي
كل دمعة كدب نزلت من عنيكي
هتجور عليكي
وتترحمي
لو ثانية اجيكي
مدي ايدك سلمي
وسلمي الضفة
وافرحي
ارقصي
وانتي وسط الزفة
واتمايلي وقسمي
ولكل الناس اتبسمي
وارسمي عليا الحزن ارسمي
مدي ايدك سلمي
وسلمي الضفة
ياما الريح غيرت
اتجاه الدفة