أنا جراح بأبياتى
للشاعر : محمد ضباشه
جوه فى عيونها زمن
بيحكى مأسى كتير
وبيروى كتاب الجراح
عن راجل تملى يغير
وياريتها غيره بحب
أو حب بعفاف وأصيل
لكنه أرهق فؤادها
بغـيره تهد الحيل
وحفر فى عيونها عيون
تغرق جمال الليل
وما تشوف عيون قلبها
بشاره لحب جميل
وأنا الجراح بأبياتى
بقول يا حبيبتى سمعانى
دى غيره أساسها مرض
أنا سامعة بودانى
فى قلب عليل وذليل
وأنا راجل وألمانى
وياما ورتنى العذاب
وسنين من عمرى جرحانى
تعالى وأفتحى قلبك
وأسمعى بالقلب ألحانى
وأنسى زمن الدموع
وتداوى فيه أحزانى
علاجنا هو الثقة
طريق للقلب من تانى
لا معاها نشك فى بعض
ولا أقول هى نسيانى
ولا تقولى دا باعنى
مع أشواقى وحرمانى
ولا أشوف العيون تبكى
وأقول يا قلب هجرانى
وتبقى الحياة حلوه
وبكاس الحب سقيانى
وهى فى قلبى فرحانة
ودايما ليه عشقانى
