بلدى عايشه وسط بارود محاوطها
بلدى بتحمد ربها على حالها
وناسها شايفه اللى حصل لغيرها
وبيدعوا يارب خليك كدا حافظها
ولا تشمت فيها عدو بيحسدها
بلدى هتفتح بعد ايام قنالها
فحتتها فى سنه بسواعد شبابها
والشعب من وراهم هوه اللى مولها
والمراكب هتبقى رايحه جايه فى ميتها
بلدى الخير جايلها وهيسعدها
بلدى فاتحه لاحبابها دراعاتها
بلدى بتكره كل اللى بيظلمها
اللى يفجر قنبله وللا يموت ولادها
اللى بيكره لها الخير ويفرح فى مصيبتها
اللى حتى بلسانه على الشاشه بيشتمها
بلدى مش بتنسى اللى ياخد بايدها
اللى يضمد جراحها وبايده يقومها
بلدى بتنادى على اللى هجر من ولادها
بتقول تعالوا وهتشيلكوا على راسها
بلدى جميله بشعبها وناسها
بلدى حلوه باهرامها وبنيلها
تعالوا يا كل اللى بتحبوها ندعيلها
يارب تحميها وتبعد عنها عدوينها
منير خاطر
