علمتينى ازاى انساكى
كلمات : محمد ضباشه
علمتينى أزاى أنساكى
وأنسى الماضى بكل مافيه
وأنسى القلب اللى غدر بيه
واللى سهرت معاه لياليه
أسقيه من حبى وحنانى
وهو لقلبى بيبكيه
وسايبنى على جمر أشواقى
ناسى الدنيا ومستنيه
أتاريه باعنى وباع أحلامى
حتى الحب معاه ملاقيه
قلت أتعلم منه قساوته
وأنسى أنى بفكر فيه
وأنسى أنى فى يوم حبيتك
وألملم من على خدى دموع
نزلت غصب عنى عليكى
بعد ما نورتى فى قلبى شموع
وكان الوهم حليفى وحظى
وفى وهمك بنيت أحلام
وضاع العمر منى فى دربك
وكل اللى جنيته معاكى كلام
وأتعلمت أزاى أنساكى
وقلت لقلبى خلاص أنساها
وأوعى تفكر فى اللى باعوك
وأوعى تحزن على هواها
انا خلاص يا حبيبتى نسيتك
زى أنت كمان ما نسيتى
بس أكيد أنا حبيتك
ويا ريتك انت حبيتى
