****مالكـــــــــــــــــــــــ يادنيا *************
========= محمودعمار الزلبانى =========
_صابرياددنيا على ظلمك
ولا عارف الصبر أخره أيه
لا حزني فيكي بيهمك
وليه قلبى بالنار تكويه
ليالي كتير ابات سهران
أناجي سراب ليا رسمتيه
وعذابي عليكي هان
وشبابي السنين تطويه
فى لياليكي هجرني النوم
وعمري نهاره أصبحت لياليه
والقلب صبح مهموم
والامه متكسرة حواليه
وبرضو صابر على ظلمك
طب أخرة دا كله ايه
أحتار الدمع فى عيوني
واللي ضاع منى باحن إليه
وأحبابي فيكي نسيوني
وجرحي مين يداويه
والاهل اللى فاتوني
بدمعة ع الخد بتكويه
هو انا فيكي كده وحدي
تذليني طيب مناكي ايه
يسيل دمعي يزيد سهدي
اللى منحانى تعالى خديه
نصيبي فيكي بس فراق
وأشواق الدموع تمحيه
الحزن ليا فيكي إشتاق
وطريقك مكتوب عليا أمشيه
وأدينى صابر على ظلمك
والصبر بس لمين أهديه
_______________ محمودعمار الزلبان
