((و ازاي احبك)) بقلم..أمل صالح

((و ازاي احبك))

ياللي الكدب بيجري ف دمك
دانا طول عمري بخفف همك
وانت اللي بتكدب و بتإسي
و بتدوقني مرارة كدبك
و ازاي أحبك..

وانت لقلبي دايماً تخون
بايع ومبتعرفش تصون
ظنيت فيا كل ظنون
وعليا ما طبطبت يدك
و ازاي احبك..

ياللي أساوتك شوك بيجرح
جوه ضلوعي آلامها بتسرح
ولما بتبكي عيوني..بتفرح
وانا قدامك ابكي لظلمك
و ازاي احبك..

وانا بديلك كل حناني
وباخد منك غدر أناني
ويوم ماصعبت عليك..تنساني
وتدوقني من نار هجرك
و ازاي احبك..

و ازاي اصدق اني حبيبتك
طب ايه دليلك اني ف قلبك
و تقولي إحساسك يدلك
أسفه حبيبي..إحساسي بيقولي
كرهتك..
و ازاي احبك..

بقلم..أمل صالح