ما تنسونيش يا ناس ...للشاعر محمد العربى

مسيري في يوم هبقي
سيرة مابنكم وزكري
ومش عارف ساعتها
السيرة هتبقي عطرة
ولا الندم عالصُحبة
وتقولوا ياريت ماكُنا
في يوم أحنا أتقبلنا
مسيري في يوم هبقي
سيرة مابنكم وزكري
علي حالي والله ياناس
مرعوب أنا وخايف
لاحروفي في يوم تضيع
من بين الشفايف
وأصبح طريد القلوب
وطرح شجرة معطوب
ياتري أيه المكتوب
قولي يازمن بكره
السيرة هتبقي عطرة
ولا الندم عالصُحبة
وتقولوا ياريت ماكنا
في يوم أحنا أتقبلنا
مسيري في يوم هبقي
سيرة مابنكم وزكري
هيوحشني الكلام
وسمر الليالي
حتي الزعل كمان
وعتابكم وعتابي
ماتنسونيش ياناس
وتقفلوا الكراس
خلوني في الأحساس
ضحكة في قلوبكم عايشة
السيرة هتبقي عطرة
ولا الندم عالصُحبة
وتقولوا ياريت ماكنا
في يوم أحنا أتقبلنا
مسيري في يوم هبقي
سيرة مابنكم وزكري