احساس بقلم الشاعر / سمير

إحساس

موت الإحساس قمة الظلم

عالمنا بلا قلب

فلن أعيش تحت وطأة ظلم القلب

مهما نبض

كابوس رهيب

عالم قاسية وعالم ناسية

وعالم مايهمهاش غير الأنا

والأنا فى دماغ ناس كتير

رأسية

وتقول لى تعالى نعيش ونتهنى؛؛

إزاى نفرح ومنين ييجى الهنا

بعد ما اتهنا

وعلى قلوب أقرب الناس لينا

هنا

هو ده العالم؟

فى عالمنا لم أشعر بإطمئنان

دى الغابة ﻻيحرسها حيوان

خوفا من حيوان

ياااااه

كابوس رهيب نايم على صدورنا

ومتهنى

نفسى آفوق من الكابوس وأحس

بالجنة

نفسى أشوف البسمة والضحكة

مالية شفايف أطفالنا

نفسى ترجع أيام زمان ونحس

بجيراننا

والله نفسى قبل مااموت وده كل

اللى باتمنى

إن قلب أخويا لما يدق أسمع أنا

الرنة

ولما غيرى يبكى تجرى الدمعة

فى عيوننا

نفسى