أسمحيلى يا دنيا بقلم عادل الشهابى

المصدر: سمحيلى يا دنيا يا دنيا أسمحيلى مليش فى التمثيل .... مش علشان مصلحه عن مبادئى أميل ... وأكون فى نظر نفسى جداً قليل ... شوفت ناس لابسين كتير وشوش .... فى كل موقف بيتغيروا بحبه رتوش ... وكرامتة عنده ما تهموش ... الكل لابس قناع زائف ... وكله من بعضه أصبح خايف ... دنيا وكلك مصالح ... وعلشانها الكل مع بعضه يتصالح ... مجال ودخلته عن قرب ... ملقيش فيه حاجه تسر القلب ... والأخلاص فيه لقيته جدا صعب ... مراكبى وفى أيده الدفه .... بيحركها حسب هواه بكل خفه ... ويا سلام اللى هواه مش على كيفه ... من المركب ينزله والبر أبدا ما يشوفه ... ولو الراكب قدم شويه حنيه .... بيكرمه ويديله أجمل هديه ... ويعمله كمان أجمل أمسيه ... والراكب الجد ما يعجبهوش ... والتكريم أبدا ما يشفهوش .... ولو جرى حتى جرى الوحوش .... عالم زائف يا دنيا ... نفسى أعيش فى دنيا تانيه .. المجتهد فيها يتكرم فى ثانيه .. لشغله مش لاغراض تانيه ... يا دنيا بقولك أنا مستحيل ... مش تكريم هيخلينى أشوف لكرامتى بديل .. أصل مليش يا دنيا فى التمثيل ... فهمتى يا دنيا يا أم عقل كبير ؟؟ بقلـــــــم: عــــــادل الشــــــهــابى