*(قصيدة/كل غدر ورا شيطان)*
(بقلم/احمد عبد الرحمن صالح)
اه يابلدي يلي فيك الغدر سايد
كل مانسا واقوم يابلدي
تنقلب بيا الشدايد
هفضل اشكي لمين يابلدي
وانتي فيك الحق ضايع
كل ماعلا واقوم يابلدي
اتقتل علي يدّ صايع
نفسي اعرف مين اللي شاري
ونفسي اعرف مين اللي بايع
وانتي فيك الكل ضايع
اه يابلدي عل صابك
مين اللي كان للغدر جابك
نفسي يرجع يوم شبابك
نفسي اعرف مين صحابك
هفضل ادعي عل صابك
اتقسم ظهري في مُصابك
اه يابلدي عل نابك
انقتل فيكي شبابك
كلب يتحاما في ترابك
لسه ماشبعش بعذابك
بكره يعرف مين ولادك
لما يعرف معنا ذاتك
لما يتحاسب حسابك
بكره يشرب م اللي صابك
اصل دمي يبقا ذادك
عشقي يبقا تاريخ ميلادك
امتا يرجع اللي سابك
امتا يطلع نور سحابك
امتا امحي ليل سرابك
اه يابلدي عل خان
بكره غدره راح يبان
بس هيجالو أوان
يفتكر فيه اللي كان
يبقا عبره للزمان
كل وقت وليه ادان
جايله وقت مهما كان
عمر ابنك ماكان جبان
او فريسه للجعان
اصل حبك دا ايمان
نبع صافي م الحنان
فيض دافي من الجنان
اه يابلدي
مش راح اركع للجبان
اه يابلدي
مش راح اخضع للي خان
مش راح ابكي وانكوي عل كان
اصل فعل الغدر بان
م اللي ساجد لشيطان
كل فعل ورا جبان
عملوا حزب بقوا اخوان
نهجهم حقد ونيران
فعلهم فعل الشيطان
جمعهم خاين جبان
كل احلامهم طوفان
حزب طاغي لشيطان
أه يابلدي ما اللي كان
