(( اللي أنتي فيه))
=============
اللي أنتي فيه ده موش
شموخ الجبال
كبر وتكبر أيوة ومن الغرور
تمثال
صحيح ملامحك أية في
الجمال
وكمان سحرك يخطف عقول
الرجال
بس الاهم ناقص
مش عندك خالص
الروح قبل رشاقة الغزال
اللي أنتي فيه ده موش
شموخ الجبال
روحك موش حلوة بالمرة
أفعالك ديما مرة
شيئ يخلي القرب منك
صعب ومحال
دفا المشاعر والاحساس
جوه الجليد عشقوه النعاس
موش بالضروري تكوني أجمل
الناس
علشان تملكي القلب عندي
والبال
اللي أنتي فيه ده موش
شموخ الجبال
عطور زهورك دبلانين
ورد خدودك باكي حزين
عالحب قلبك موش أمين
أقل كلام فيكي يتقال
اللي أنتي فيه ده موش
شموخ الجبال
==============
الشاعر محمد العربى
نشرت فى 25 يونيو 2015
بواسطة nssmaelshwara
