شهر كريم بقلم الشاعر /عدنان سنجر

جى شهر كريم علينا وإحنا للأكلات ندبر
كننا واحد وإتلهينا ليه لأخوك مابقيت تعبر
وإنت بتفطر عيالك والعيال وياك بتفطر
لو تفكر بس حبه وألا حبه بس فكر
غزة ف عنين اللى ساكت غزة ماتت
واللى سامع واللى ساكت مش هيكبر
وإنت وقت طلوع آذان وقت قالوا الله أكبر
وإنت بتحيى الجيران حتى مش قادر تصبر
وإنت شايف طيارات عالشيوخ وعالبنات
الأطفال ماسكين حجارة مش شطاره
إنك تطنش أو تقلش للدماغ وكمان تكبر
ليه ماتشجب أو تندد ليه لغزة كمان تهدد
ليه بتظلم وألا تشمت كل ده مكتوب مقدر
إخوة عايزين المساعده مد إيدك قوة صاعده
همه خط دفاع لوطنك واليهود ليهم بتقهر
غزة إن ضاعت نضيع العدو حاقد وضيع
همه بس يذل فينا همه بس نضيع ونصغر
لسه هتفطر عيالك والعيال وياك هتفطر
لسه هتوزع ف فاكهه لسه لعيالك تقشر
وإنت شايف دم سايل قوم ياعربى قوم وكبر