ورده ف بستان
.................
عينى على ...ورده ناديه... ف بستان
حبت جناينى... قاسى... مالوش أمان
حبته ... بكل اخلاص ............. وحنّيه
وهو شافها .. مجرد ...... زينه ف جيب جلابيه
خدها على ... أد عقلها ... و سايرها ف الكلام
صدّقته ... و قالت ....... يا محلا الغرام
و بقت تاخد ... من عطرها ...... و تدّيه
و أحلى ... كلام الحب ........... تهديه
و قالت ... ده حبيبى ........... و بروحى أفديه
و دارت بيها .....الايام على .............. كيفها
لحد ما عرفت ... انه عايز ...... يقطفها
و يتزين بيها ... لواحده ........... غيرها
و انه بس ... كان معجب ......... بلونها
حزنت و بكت ... م اللى .............. جرى لها
و حلفت ... لتقطّع ..................... كل ورقها
و ترميه ... فى الارض ......... للعشاق
لجل يتمتع... بعطرها ...... كل مشتاق
و تبقى كل ورقه ... عهد ..... للاشواق
يهديه المحب ... لحبيبه ........... و يحلف له
لا يغدر بيه ... ولا ......................... يسيبه
وعمره ... ما يخلف له ............. معاد
مهما طال ... بينهم ............... البعاد
