zza AhmedاAzza Ahmedقااااال الرّاااااوى
..................
نصلّى و نسلّم ع الحبيب .....قبل ما نبدأ الكلام..........
ولأهل بيته الكرام منّا .....الف تحيه و سلام..........ّه بتبكى .....حلوة زى فرد الحمام...........
قالت بحبه يا خال و حبه مدوّخنى .....مش عارفه انام..........
و انا عارفه انى غلطانه .....و عليّه كل الملام..........
قلت اهدى كده و احكى لى .....من طقطق للسلام..........
................. قالت ................
تبص له تشوف .....المكر ف عينيه..........
و شكله هااااادى .....ولا يبان عليه..........
اديته الامان و قلت ده .....من السما هديه..........
مفكّرتش انه .....هيسوق المكر عليه..........
و يدوّخنى .....و يسهّر ليااااليه..........
يكونش .....بسم الله الرحمن الرحيم !!!!!..........
من الناس المخاويّه ؟؟؟؟ ..... آآآآه..........
يخاوى له عفريت .....و يطلّعه عليّه..........
يعفرتنى و ينططنى .....و افضل كده مستنيّه..........
كلمه ولا ابتسامه .....يجود بيها عليّه..........
و دى آخرة .....الدلع و المداديّه..........
لو شاف منى .....العين الحمره..........
و كشرت له عن نابى .....و لو مره..........
ما كان قدر .....يعمل كده فيّه..........
............. قلت .............
صلّى ع اللى هيشفع فيكى .....و فيّه..........
مش كل من ضحك لى .....يبقى مخلص يا بنيّه..........
انتى طيّبه و صادقه .....قلبك كله حنّيه..........
و هو شقى مكّار و اخد .....ع الملاغيّه..........
و اللعب بقلوب البنات .....عنده هوايه و غيّه..........
يعلّق دى .....و يلضُم مع ديّه..........
دوووسى على قلبك .....بالمركوب..........
و اجبريه عن حبه .....يتوب..........
و ابعدى عنه و سيبيه .....متفكريش تحنّى ليه..........
ولو اشتاق لك .....و حس بغياااابك ..........
و جه لحد عندك .....و دق على باااابك..........
ساعتها !!! .....فكرى تسااااامحيه..........
..........
عزة احمد
