فارس كل العصور

قصيده بعنوان : على الشباك
بقلم / حاتم سليمان
9/6/2015

على الشباك
كانت طيور الحب بتغني
وعلى الباب
كان الزمن واقف ومستني
وما بين الاتنين 
ميزان مقلوب غريب عني
قابض بكفوفه على كفي
بيقولي خلاص كده يكفي
العمر فات
باعت رسالته من بدري
يوماتي بشوفها في مرايتي
شعر ابيض باين كده وظاهر
كأنه واقف بيتظاهر
يسقط يسقط حلمي الاكبر
والزمن نادى عليا
السنين طالبه البقيه
عملت مش واخد بالي
حطيت نضارتي على عيني
كملت قرايتي لكتابي
وهو شايفني وبيضحك
في ايده ورقه بحسابي
بيقول الحب مش حقك
وانا ما عشته في شبابي
ليه متعافي بحصارك
سبني افتح للامل بابي
اعيش الحب ولو مره
متقولش عجوز ومتصابيده نفسي اعيش مره