عوني هشام شاعر واعلامي
شط الغرام
=========== بقلم عونى هشام
الشط شط الغرام
والبحر موج عالى
ماعرفش ايه مالى
------------------
-شفت السمك ياما
عجبنى بس هامور
لقيتها جوايا
وقلبى بيها غيور
-------------
الغيرة اخدتنى
جمالها فوق الحد
مسكتنى ما سابتنى
زعانفها سيف وله حد
----------------------
جرحتنى اه ياما
وجرحى نازف دم
لا قلت يا نداما
ولا شيلت مره الهم
---------------------
شالنى وانا شيلته
لا سابنى ولا سيبته
الروح تلاغى الروح
ماهى برضة دة حبيبته
-----------------------
حبيتها من نظرة
سحرتنى فى الاعماق
ماهو حب بالفطرة
وكان لقاءنا عناق
----------------
الحلو نادانى
وعواطفه جيانى
مريت بشفايفها
صرخت اه يانى
----------------
لمسنى ماس كهربا
تهنا فى الملكوت
او لدغه من عقربة
كلامنا بس سكوت
-------------------------
العين تلاغى العين
والدق فى القلبين
-وايدى سرحه معاه
على بحرها بتفوت
--------------------
فيها شفايف جزر
اليد مجدافى
فيها هضاب المد
والخد فيه دافى
---------------------
تهت فيه ومعاه
والقلب قال الله
دى هاموره يا عينيه
مش سمكة بلطيه
--------------------
ماهو برضة دى ارزاق
ولعبطة فى ميه
100 على 100
ما دام مابينا وفا
الحب لحن جميل
وانا قلت اغنيه
لو عندك انت بديل
سمعنا يا عينيا
===========
\\\ عونى هشام\\\
إعجاب · تعليق · مشاركة
