_ ( جايه بتشتكي ) __
كلمات / محمد السعيد
**********************
جايه بتشتكي
لما منه اتظلمتي
دوقي م اللي انا دوقته
مانتي ياما ظلمتي
عايزاني اعملك ايه
أجي لقلبك أواسيه
كل اللي انتي شوفتيه
ييجي ايه لما غدرتي
كل شئ بيكون مردود
وغدرك عدى الحدود
وجه اليوم الموعود
اللي تكوني فيه خسرتي
جايه بتشتكي
لما منه اتظلمتي
دوقي م اللي انا دوقته
مانتي ياما ظلمتي
دموعك ماهزتنيش
حتى خاطرك مالكيش
وياريتك ماتحكيش
وشوفي ازاي ترتاحي
حسيتي بظلمك ليا
إحساسك برضه شويه
لما تعيشي لياليا
هتدوقي من جراحي
جايه بتشتكي
لما منه اتظلمتي
دوقي م اللي انا دوقته
مانتي ياما ظلمتي
