لاش ملاوعه =============== بقلم عونى هشام

لاش ملاوعه
========= بقلم عونى هشام
مساء الفل على الياسمين
ليك يا جميل يا شاغلى العين
لما قالولك ست الكل
احترت معاكى دا يطلع مين
اصل الكل جامعهم واحد
ربى وربك الله واحد
هاتى م الاخر تطلعى مين
اصل انا قلبى سكنه لواحد
يمكن انتى يمكن غيرك
يا تفرقينا وكتر خيرك
تبيعى كلام وشوية اوهام
يا تشيلى عونى من تفكيرك
عندى الحب وله حرفين
حرف معايا التانى لمين
والله احترت يا مستمعين
سده ودانها عجين مع طين
دليلى احتار كدا ليل ونهار
خلت قلبى شعلل نار
بس النار راح يوم تكويها
دا كلام جد ومش بهزار
انا حزرتك كدا كام مرة
وانتى ما جيتى حدايا ولا مرة
كنت زمان عصفور او نونو
لكن اليوم ليكى شرطة وجرة
هاتجرينى هاشد شعورك
وهاخليكى تخرجى عن طوعك
بينا الايام رايحة وجاية
سيبك بقى واقفلى مشروعك
فاتحة مزاد للحب فى قلبك
حبه بحبه هايزيد غُلبك
انا حريف ومعايا الكوره -
عارف الشبكة اكيد انا غالبك
انتى وليه وصعب عليه
تتشحططى عندى فى امسية
اصل انا بكتب شعر يوماتى
وزيك عندى قول ياجى 100
يمكن انتى 100 وواحد
اصل كتير وانا بالى مش واخد
مزه تروح والتانية اهى جاية
وصعب اكون انا بينهم جاحد
عرفتى انا مين
شوفى طريقك رايح فين
انا مش قاعد فضله لحد
بصباع اجيب 100 واتنين
=============
\\\ عونى هشام \\\