يارب سمعتك الشاعر / محمد ابو المعاطي

يا رب سمعتك
...................
فزورة
بلد فيها الخير بالكومه
لكن سرقاه الحكومه
نهباه و وهباه
للجيش و الشرطة و القضاه
و الشعب بينضرب على قفاه
و يا ريت على كده و سابونا
دا بيحسبونا على حق الصابونا
اللى خدناها منهم و العضمه و الصامولا
فين بيت أبونا بولا
هيخلونا نخرج عن ملتنا الحكومة المهبولا
هى بتحكمنا و لا بتلعب عشرة بولا
مش كفايه الشباب ضاعوا و البنات مخبولا
مش عيب لما مصرى يقول لله يا محسنين
و هو صاحب الحضارة من ألاف السنين
لا و كمان بتعملله قضية تسول
مش لما تأكله الأول
حكومة عماله تغرف و تحول
و شعب حالته تقرف بيتسول
و حكومات دول بتبعت و تمول
بتبعتوا لمين ابعتوا للمتبول
ابعتوا للشعب الغلبان المتسول
يا رب انت الأخر و الأول
يا رب ابعت من عندك و حول
بس قبل ما تبعت خدهم الأول
خد كل ظالم متكبر متنول
يا رب سمعتك بتقول عُلِم و حول
أنا القوى أنا الأخر أنا الأول
.............................................................
محمد أبو المعاطى المحامى بالنقض