إنت وبس بقلم الشاعر / محمود العزب

إنتِ وبَسْ

شعر/محمود العزب
26/5/2015

هَفضَل اكتب لِك واحبِّك
لَمَّـا هَتقوليلـى بَسْ
وهَبقَـىَ ويَّاكى وجَنبِك
وعُمرى ماهيجيلى يأس
ولَمَّا حُبِّى يشِـد قلبـِك
والقَىَ إنُّـهْ بيَّـا حَـس
وهَفضَـل احكى
واقـول وأشكى
لَمَّا حالـى يبان مِبَكِّى
والقَى بُعدِك يوم كَونى
وانتِ سايبانـى أعانى
وابقَى شاعِر فيَّا نقَص
وهَفضَل انعي لِك فى هَمِّى
وانـتِ ابويا وانـتِ أمِّى
وانـتِ عقلـى وكُل أمَلى
وهَفضَل اعشق فيك وبَس.