حلم قلم بقلم الشاعر / ابو عمار المصرى

حلم ...قـــــلــــــــــــم
........
قول لى
.. بتعمل إيه يا حزين ؟
بابرى ...وهابرى
وهاعمـِل سـِنّ
هارسـِم ...واكـتـِب
هارسم شجرة
وهارسم ...جـِنّ
يسقى الشجرة بمـيـِّة نار
تـِكـبـِر ...تـِكـبـَـر
أطلع فوقها لآخـِر فـَرع
أشوف الدنيا ..واقطـُف ثـَمـَرة
واطير .......أرميها
ما انا لا هاكـُلها
ولا اخليها ...ما تلزمنيش
بس ما اسيبهاش ماسكة الفرع
مـكـتـِّـفــة عــوده
واكتب بـُكــرة بخـَط عريض..
على وشّّ امبارح
وأغيظ فيه
واجرى ..أجرى ..أجيبه م الأول
والعب بيه
وار سم ساقية
بتنوح ميتها ليلاتى
والليل جارح
واكتب جنبها شمسة وقمرة
واتنطـَّط على كل الاسطـُـر
واجرى ما بينها
وانسى الغـُربـة
والعن أبو خاش ألف سنينها
ما هياش منـّى
وانا ...مش مـِنها
وارسم قهوة وطـَقـم كراسى
ناس بتنا ئـِـر
ناس بتعافـِر
ناس ...يترازى
ناس مسطولة على كـُــرّاسى
وارسم كوتشينة لاصحاب
بنت ...وشا يـِـب
كوتشينة .. ما فيهاش أولاد
واكتب أرقام هتكسـِّبنى
وارسم صورة لبنتى ..وإبنى
وهاكبـَّرها
قد ما كـِبروا
وارسم طيارة ..وسفينة
ويمامتين
والبحر ومينا
وأحلى طريق
بس اما ارجع
.........
بــقـــلــــــم ا لـــشــــــا عـــــــــر
أ بـــو عـــمــــــــا ر ا لــمـــصــــــــر ى