( وآه منك ) بقلم/ علاء زايد
***********
وآه منك ومن حبك
ياكاويانى بنار بعدك
ماتيجى نقرب المسافات
وندفن عمرنا إللى فات
ونحيا فى لحظه نسرقها
من الدنيا وم الآهات
بحبك كل يوم أكتر
ومهما تقولى مش ح أقدر
أسيبك أو أغيب عنك
ياقدرى ياللى متقدر
وبتقولى بخاف منك
وم الأيام ومن حبك
ومن جرح الهوا فى بعدك
بقولك ماتخافيش منى
ياساكنه القلب والننِ
خدينى وضمينى فى حضنك
مافيش للخوف مكان بينا
وآه منك ومن حبك...
