جارى التحميل
استخدم زر ESC أو رجوع للعودة
العنوان : خاتم دهب
بلاها حيره .. ولا جبت سيره
خلاص هجيب خاتم دهب
لايدين لو نطقت تقولك
قد ايه شافت تعب
ياما شالت الغصن الاخضر
تسقيه حنان له العجب
وياما قالت الاه يوماتي
وانا غارقان في اللعب
ونينه هووه على صوتها انام
ياناس ياهوه على الطرب
وتاتا تاتا تبدأ خطايا
وبيها برضه الدنيا تنقلب
وعصايه واقفه وفوقيها همزه
اول دروسي من الكتب
وحبه حبه الفرع يكبر
مفيش محبه بتنطلب
بايديها هي كانت حياتي
وروحي ليها تتوهب
ويوم القيامه هيكون ندايا
باسمك ياامي اتنسب
سامحيني امي اسف بقى
اني هجيب خاتم دهب
ياللي انتي عندي اغلى واغلى واغلى من الدهب
