مش خايف بقلم الشاعر / محمد السعيد

___ (( مش خايف )) ___

كلمات / محمد السعيد
**********************
مش خايف إنك تسيبني
أمر كنت عامل حسابه
مين يتعلق بس بقلب
ماشفش منه غير عذابه

رسمت طريقي أيوا بعدك
عشان حسيت إنك مش ليا
صدقني قربك زي بعدك
يعني مش هتأثر فيا

فرحت بإيه بس معاك
ولا كان للحب أي علامه
لا حسيت يوم قيمة هواك
ولا أثر فيك أي ملامه

أي حد شافنا قال
لايمكن يوم يكونوا لبعض
كان الكلام من غيرسؤال
حاجه واضحه لأبعد حد

رسمت طريقي أيوا بعدك
عشان حسيت إنك مش ليا
صدقني قربك زي بعدك
يعني مش هتأثر فيا

إلغاء إعجابي · تعليق · مشاركة