بلاش عتاب بقلم الشاعرة / عزه أحمد

Azza Ahmed

بلاش عتاب
...............
بلاش عتاب يا حبيبى
أه !! ياللى كنت عامل حبيبى .............................
رميتنى فى النار و سايبنى
مبسوط قوى من تعذيبى
لو بس تفتكر لى غلطه ف حقك ...........................
لو تفتكر فى يوم ظلمتك
ادعى عليك بأيه يا ريحة الورد
مهما اتظلمت و دمعى سال ع الخد..........................
مقدرش انسى انك حبيب العمر
دخلت قلبى و سكنت فيه بالامر
ادعى عليك ازاى و انت بسمة الحياة...................
مهما ظلمتنى و قلت 100 آآآآه
و مهما ضاق بيه الحال
تطلع من قلبى !!! ده محال
هقول حظى فى الدنيا ده مكتوب............................
و ربنا اعلم باللى فى القلوب
و انت حبيبى اللى نورت حياتى
فى العمر اللى فات وف عمرى الآتى...................
............
عزة احمد