(مخدوع).... بقلم الشاعر /مبروك علوه

☆(مخدوع)☆
ليه الحقد مالى الناس
بنحقد ليه على بعضنا
والصدق ملوش أساس
وكدب بيجرى فى دمنا
معدش فيه إحساس
بقينا نجرح نفسنا
وبنعانى مرار الكاس
بنشرب منه كلنا
كاس من عذاب ومرار
سم بيجرى فى دمنا
وحبيب مراره صبار
هو نقطة ضعفنا
قلبه خاين غدار
وده من ميلة بختنا
بس فقدنا الاختيار
أصله ملك قلبنا
عايش وسطينا كإنه ملاك
وهو جواه جمرة نار
عامل فيها إنه حبيب
وهو من جواه غدار
مستكتر النعمه على غيره
والغدر بايت فى ضميره
لا حبب حد فيه
ولا حتى عشش على طيره
كفايه صبر يا قلبى عليه
وأوعى فى يوم تفكر فيه
أبعد وسيب له الطريق
اوعى تجيب عينك فى عينيه
مخدوع كنت فاكره صديق
باعك هو فى وقت الضيق
أبعد عن سكته وإنساه
وبناقص منه رفيق
العمر عشته عذاب
ومعدش فيه أصحاب
ودا أسمى فى الكتاب
غريب ما بين أحباب
☆☆☆☆☆☆☆☆☆؛

مبروك علوه