نفسي ......بقلم أستاذ /فتحى وجيه

   نفسي  ......
نفسي يروق البال .
وانا اخدك في الخيال .
   ونعيش اجمل حكايه ..
نروي عطش سنين .
ننسي دمع وانين .
      نعمل للحزن نهايه ..
اضم حضنك لحضني .
لبحر حبك تاخدني .
    نبدآ من البدايه ..
ترمي همومك واشيلها .
ارمي همومي وتشيلها ..
وتعيش العمر معايا ..
...................
نفسي ياحبيبي ونفسي .
لكن كل اللي في نفسي .
          مجرد وهم وسراب . 
طريق احزانا طويل .
ومن كل المستحيل .
        نكون زي الاحباب ..
ارجع ياقلبي ارجع .
قبل الحقيقه ما توجع .
          وتبكي بالموال  ..
وكفايه عليك همومك .
اللي فيها من يومك .
       هموم زي الجبال ..
           هموم زي الجبال ..

              فتحي وجيه ..