حكاوي الليل... الشاعر /إبراهيم خليفه رمضان

حكاوي الليل
سكون الليل بيدوي
بياخد فرحتي ويشكي
ذل النهار معاه
همي اللي جاي هواه
وكل ليل شجي
سقي عليل شكي
نسج هواه علي البيبان
يا طرحه سوده مرسوم عليها بغبغان
جرح السواد مهدوم علي البنيان
عمر اللي كان ما يبان غير مع الضلمه..
وبحذرك
يا ضلمه كوني كما كانواو بس
أوعي تلومي وتعملي م القوله حبس
وفرشى نجماتك أمل مطروح
وغزلي من بكره حلم طاير مهوش مدبوح
حلم طاير بالقلوع
ننسجه دايما يطوع
سرج الحصان لو راح
يبقى فارسنا ..
زمان كان أخويا يغني
قولة يا ليل يا عين
وكنت حاسس بيها القوله
فرح طالع يداوي جرحنا
المكبوت
وكنت حاسس بيها الضلمه
بتفردهم توحدهم
يغنولها
وأول ما يبدوا القول
يغنولها ..... يا ليل .... ياعين
عيون الناس بترضي القول
وتلحظني ما بين القوم
صبح ولى ملوش مرجوع
الصبح طارح ... معجب.... ومعجبان
وناس تقول آه ... وناس تجيب لكل آه معني
أنام أنا ...
ونسج م الضلمه قول

للشاعر ابراهيم خليفه رمضان