ونااااااري... بقلم الفنانة /فاطمة بصور

ونااااااري **
ونااااري يا حروفي
مالك سالباني؟!
مالي غير انحرك لقلم
اتولي غالباني؟!
اتكايسي..
اتكايسي عليا عفاك
را احساسي بعد الخطرات
كيولي عليا براني
وناااااااري...؟!
********
وناري كون ميزان الوقت
كان حقاني؟!
كون إيميل الكفة
عند المقهور
ويوحل الشوكة
فحلق الدومالي
ونااااااري...
كون على جودي
كون من كفوف إيدي
اندير كفات الميزان
وگلبي المسمار
الي يريگل لعبار
وناااااااااري...
كون على شوفة زماني
ب الجلالة انكحل العينين
وما انشوفش دوك الدراري
دوك الدراري ؟!
الي يرضعو من بزولة الميكة
الكالة...الشيشة...والتبويقة 
ويگولوا جمافو
ونا مالي؟!!؛
ياك غدا ديالنا اتم؟!
يالله بينو لينا!!!
اشكون بينا ايراري؟!!
وناااااااري ...
وناري على ضبابة
عگرت سما الوقت
فزمانك ...وزماني؟!!!
وناااااااااااااااااااري.

الفنانة والزجالة فاطمة بصور