ليه إخترتك... الشاعر /إبراهيم حمدان

ليه إخترتك 
بشتاق علي طول لصورتك 
وصورتك في قلبي مرايه 
معرفش ليه إخترتك 
تكون جرحي ودوايه 
وسعدت لما شوفتك 
وشوفتك هيه منايه 
وحاسس إن بصريتك 
خلتني محتاج رعايه 
عشان كده أمرتك 
تكون دايمن معايه 
ولو في يوم سهرتك 
يبقي أكيد بكايه 
من غير ما أكون بشرتك 
إن هواك هوايه 
وكل ما تيجي سيرتك 
زي ما تكون حكايه 
بتقول إن جيرتك 
أحلي من أي غايه 
عشان كده عرفتك 
والعمر في البدايه 
وقبل ما تبقي غيرتك 
في قلوب الصبايه 
القلب خلي حيرتك 
محتاج مني وصايه 
خايف أكون هجرتك 
من غير ما أبص ورايه 
ولا أكون نهرتك 
عشان بس رضايه 
ونفسي تكون إشارتك 
تحقق أملي ورجايه 
الحياة من غير إدارتك 
تزود آلمي وآسايه 
عشان كده قصدتك 
يكون دمك حدايه 
وأعوض كمان مسيرتك 
بالحب اللي جوايه 

مع تحيات / ابراهيم حمدان